ទីតាំងលេងល្បែងស៊ីសងមាន់ជល់តាមប្រព័ន្ធអនឡាញ១កន្លែងបើកលេងបានយ៉ាងរលូនជាប្រយោជន៍របស់សមត្ថកិច្ចមូលដ្ឋានមិនបង្ក្រាប..

 

តាកែវ = ពលរដ្ឋរស់នៅក្នុងក្រុងដូនកែវសំដែងការមិនពេញចិត្តចំពោះទីតាំងមាន់ជល់អនឡាញតាមទូរទស្សន៍០១កន្លែងនៅជិតសាលាសង្កាត់រកាក្រៅកំពុងតែបើកលេងយ៉ាងសប្បាយ។ចាប់បេីកលេងពីព្រឹករហូតដល់យប់ចំណែកអជ្ញាធរ និងសមត្ថកិច្ចមូលដ្ឋានមិនបានបង្ក្រាបអ្វីឡើយព្រោះនៅជិតសាលាសង្កាត់ពេក ទីតាំងល្បែងនោះស្ថិតនៅក្នុងទាមកាហ្វេ (ដុង ហេ កាហ្វេ) ក្នុង ភូមិត្រាំ សង្កាត់ រកាក្រៅ ក្រុងដូនកែវ ខេត្តតាកែវ។

ល្បែងសុីសងមាន់ជល់អនឡាញតាមទូរទស្សន៍ខាងលើនេះជាកម្មសិទ្ធិរបស់ យីហោ(SR88) ដែលកំពង់តែវាយលុក នៅក្នុងទឹកដីទីរួមខេត្ត តាកែវ ដែលជាបេះដូងរបស់ប្រជាជនក្នុងខេត្តតាកែវ សួថាតើឲ្យប្រជាពលរដ្ឋសង្ឃឹមអ្វីបើបទល្មើសល្បែងស៊ីសងនៅចំកណ្ដាលទីក្រុងទៅហើយនោះ អាជ្ញាធរមានសមត្ថកិច្ចបែរជាមិនមានវិធានការទប់ស្កាត់ឬបង្រាបសោះ។

ចំពោះទីតាំងល្បែងស៊ីសងមាន់ជល់អនឡាញតាមទូរទស្សន៍ខាងលើនេះ ប្រជាពលរដ្ឋមានការព្រួយបារម្ភយ៉ាងខ្លាំងព្រោះល្បែងសុីសងជាឬសគល់នៃបទល្មើសចោរកម្ម លួច ឆក់ ប្លន់ និង ករណីហិង្សា ក្នុងគ្រួសារ ជាដើម ជាហេតុ នាំឲ្យប្រជាពលរដ្ឋ មានការព្រួយបារម្មណ៍ ភ័យខ្លាច និងភាពអសន្តិសុខ នៅក្នុងសង្គម​ក៏ដូចក្នុងមូលដ្ឋានផងដែរ។

ចំណែក លោក ឥន មណ្ឌល អធិការ នៃអធិការដ្ឋានននគរបាលក្រុងដូនកែវ ពលរដ្ដ្ឋថាទោះបីជាមានសេចក្តីរាយការណ៍យ៉ាងណាក៏ល្បែងសុីសងខាងលើនេះនៅតែរក្សាការលេងបានយ៉ាងរំភើយដ៍ដែល។

ពលរដ្ឋក្នុងក្រុងដូនកែវស្នើសុំឲ្យលោក ឈាង ផាន់ណារ៉ា ស្នងការដ្ថាននគរបាលខេត្តតាកែវ ជួយចាត់មន្ត្រីជំនាញខេត្តចុះបង្ក្រាបទីតាំងល្បែងសុីសងខាងលើនេះផងដេីម្បីគោរពទៅតាមការណែនាំដល់ខ្ពង់ខ្ពស់ពីសម្ដេចក្រឡាហោម ស ខេង ឧបរដ្ឋមន្ត្រីរដ្ឋមន្ត្រីក្រសួងមហាផ្ទៃដើម្បី រក្សាសន្តិសុខសុវត្ថិភាពជូនបងប្អូនប្រជាពលរដ្ឋនៅក្នុងមូលដ្ឋានជាពិសេសគោរពតាមគោលនយោបាយភូមិ/ឃុំ/រឺស្រុកមានសុវត្ថិភាពទាំង៧ ចំណុចឲ្យមានប្រសិទ្ធភាពខ្ពស់។

(សូមអានបន្ត)

សម្តេចតេជោ ហ៊ុន សែន អនុញ្ញាតឱ្យសមាជិកសភាអាមេរិក ចូលជួបសម្តែងការគួរសម និងពិភាក្សាការងារ ....

នៅវិមានសន្តិភាព នាព្រឹកថ្ងៃចន្ទ ៣កើត ខែភទ្របទ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២៩ ខែសីហា ឆ្នាំ២០២២នេះ 

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឱ្យលោកជំទាវ អេលីហ្សាបេត វេន ដាញ (Elizabeth Van Duyne) តំណាងរាស្ត្រគណបក្សសាធារណរដ្ឋ មកពីរដ្ឋតិចសាស់ និងគណៈប្រតិភូសមាជិកសភាអាមេរិក និងមានតំណាងរាស្ត្រគណបក្សប្រជាធិបតេយ្យ មកពីរដ្ឋថេនណេសស៊ីផងដែរ ចូលជួបសម្តែងការគួរសម និងពិភាក្សាលើការងារមួយចំនួន ដើម្បីពង្រឹងពង្រីកទំនាក់ទំនង និងកិច្ចសហប្រតិបត្តិការរវាងកម្ពុជា និងសហរដ្ឋអាមេរិក។

លោកជំទាវ អេលីហ្សាបេត បានសម្ដែងនូវការគោរពជូនចំពោះសម្ដេចតេជោ ចំពោះការតស៊ូ និងប្រឹងប្រែងរបស់សម្ដេចតេជោ នាំជូនប្រជាពលរដ្ឋកម្ពុជានូវសុខសន្តិភាព ស្ថេរភាព និងការអភិវឌ្ឍ។លោកជំទាវ ក៏បានគោរពជម្រាបជូនសម្ដេចតេជោផងដែរថា ដំណើរទស្សនកិច្ចរបស់លោកជំទាវ និងប្រតិភូនាពេលនេះ គឺដើម្បីពង្រឹងទំនាក់ទំនងរវាងប្រទេសទាំងពីរ ឲ្យកាន់តែខ្លាំងឡើងតាមរយៈសក្ដានុពលដែលកំពុងមាន និងតាមរយៈកិច្ចសហប្រតិបត្តិការលើវិស័យពាណិជ្ជកម្ម និងវិនិយោគ។

ជាការឆ្លើយតប សម្ដេចតេជោ ហ៊ុន សែន បានជម្រាបជូនលោកជំទាវ អេលីហ្សាបេត ព្រមទាំងប្រតិភូទាំងមូល អំពីប្រវត្តិរបស់កម្ពុជា ក៏ដូចជាប្រវត្តិនៃទំនាក់ទំនងរវាងកម្ពុជាជាមួយសហរដ្ឋអាមេរិក។

សម្ដេចតេជោ ហ៊ុន សែន បានឯកភាពជាមួយលោកជំទាវ អេលីហ្សាបេត ដែលថា យើងនាំគ្នាសម្លឹងទៅមុខ និងក្ដាប់ឱកាសដែលកំពុងមាននាពេលបច្ចុប្បន្ន ជាពិសេស លើវិស័យពាណិជ្ជកម្ម វិនិយោគ និងអប់រំ ធ្វើជាមូលដ្ឋាន ដើម្បីពង្រឹងទំនាក់ទំនងរវាងប្រទេសទាំងពីរ ឲ្យកាន់តែខ្លាំងឡើង ៕

(សូមអានបន្ត)

តេីអរិយធម៍ខ្មែរវប្បធម៍ខ្មែរទៅជាយ៉ាងណា?បេីខ្មែរខ្លួនឯងធ្វេីយ៉ាងនេះ....

 

អរិយធម៍ខ្មែរវប្បធម៍ខ្មែរអ្នកឯងយកមកលេងសេីចរបៀបនេះហាក់បីដូចជាមេីលងាយដល់វប្បធម៍ខ្នែរពេកហេីយ ហេតុអីបានយកបៀរអាប៉ោងមកដាក់ភ្ជាប់និងប្រាសាទអង្គវត្ត តំណាងឲ្យជាតិខ្មែរទៅវិញវាមិនត្រឹមត្រូវទេសូមបងប្អូនខ្មែរជួយពិចារណាទាំងអស់គ្នានៅក្នុងរូបភាពនេះតាមការគួ។

តាមពិតក្រសួងវប្បធម៍នងវិចិត្រសិល្បះគួតែអនុវត្តច្បាប់ឲ្យបានតឹងរឹងនិងមុឺងម៉ាត់បំផុតចំពោះបុគ្គលណាម្នាក់ឬក្រុមណាមួយដែលធ្វេីឲ្យប៉ះពាល់ដល់វប្បធម៍ជាតិឬមេីលងាយដល់ជាតិសាសនាគួតែយកផ្តន់ទាទោសទៅតាមច្បប់មិនមែនចេះតែធ្វេីខុសហេីយគ្រាន់តែសុំទោសរួចខ្លួននោះឡេីយ។

(សូមអានបន្ត)

ឯកឧត្តម​ ប៉ាន់ខែម​ ប៊ុនថន​ បានបញ្ជាក់សង្កត់ធ្ងន់ថា " សម្តេចតេជោ​ ហ៊ុន​ សែន​ នាយករដ្ឋមន្ត្រី​ មិនមានទម្លាប់គាំទ្រលទ្ធិទំយេីបុគ្គលឡេីយ....

បន្ទាប់ពីបានឃេីញការបង្ហោះផ្សព្វផ្សាយចែកចាយរូបភាពលេីបណ្តាញសង្គមហ្វេសប៊ុក​ អំពីសិប្បករស្មូនដី​ ឈ្មោះ​ ប៊ិន​ ឆារ៉ាន់​ អាយុ៤១ឆ្នាំរស់នៅភូមិព្រៃដេីមថ្នឹង​ ឃុំព្រៃដេីមថ្នឹង​ ស្រុកស៊ីធរកណ្តាល​ ខេត្តព្រៃវែង​ ដែលមានទឹកចិត្តស្រលាញ់សម្តេចតេជោ​ តែមិនមានការពិចារណាវែងឆ្ងាយ​ បានយកដីឥដ្ឋមកសូនធ្វេីជារូបសំណាកសម្តេចតេជោ​ ហេីយត្រៀមសិតទៅជារូបស្ពាន់នាពេលខាងមុខ​ ព្រមទាំងមានការផ្សព្វផ្សាយ​ និងចែកចាយតៗគ្នាច្រេីន​  ទេីបរសៀលថ្ងៃទី២៤​ ខែសីហា​ ឆ្នាំ២០២២នេះ​ សម្តេចតេជោ​ ហ៊ុន​ សែន​ នាយករដ្ឋមន្ត្រី​ បានបញ្ជាឱ្យឯកឧត្តម​ ហូ​ សិទ្ធី​ នាយកខុទ្ទកាល័យសម្តេច​តេជោ​ ហ៊ុន​ សែន​ ​នាករដ្ឋមន្ត្រី​ ចាត់តាំងឯកឧត្តម​ ប៉ាន់ខែម​ ប៊ុនថន​ នាយករងខុទ្ទកាល័យសម្តេចតេជោ​ ហ៊ុន​ សែន​ នាយករដ្ឋមន្ត្រី​ ដឹកនាំក្រុមការងារ​ រួមជាមួយអាជ្ញាធរស្រុកស៊ីធរកណ្តាល​ បានចុះមកជួបណែនាំសិប្បកររូបនេះឱ្យបញ្ឈប់ការសូនរូប​សម្តេចតេជោជាបន្ទាន់ ហេីយឯកឧត្តម​ ប៉ាន់ខែម​ ប៊ុនថន​ បានបញ្ជាក់សង្កត់ធ្ងន់ថា " សម្តេចតេជោ​ ហ៊ុន​ សែន​ នាយករដ្ឋមន្ត្រី​ មិនមានទម្លាប់គាំទ្រលទ្ធិទំយេីបុគ្គលឡេីយ" ដូច្នេះសម្តេចតេជោ​ ហ៊ុន​ សែន​ នាយករដ្ឋមន្ត្រី​ មិនអនុញ្ញាតឱ្យបុគ្គលណាម្នាក់ធ្វេីរូបសំណាក​ ឬសូនរូប​ ឬក៏ចាក់ពុម្ពរូបសម្តេចនោះទេ។ តាមការបញ្ជាក់របស់ឯកឧត្តម​ ប៉ាន់ខែម​ ប៊ុនថន​ ខាងលេីនេះ​ ក៏ជាសារចែករំលែកដល់សាធារណជនឱ្យបានជ្រាបផងដែរ។ ក្រោយទទួលបានការណែនាំប្រកបដោយមនោសញ្ចតនាពីសំណាក់ឯកឧត្តម​ ប៉ាន់ខែម​ ប៊ុនថន​ នាយករងខុទ្ទកាល័យសម្តេចតេជោ​ ហ៊ុន​ សែន​ នាយករដ្ឋមន្ត្រី​ សិប្បករ​ស្មូនដី​ ប៊ិន​ ឆារ៉ាន់​ បានទទួលយកដោយសេចក្តីរីករាយ​ និងការគោរពស្រលាញ់​ ហេីយគាត់ក៏បានកែរូបសំណាកដីឥដ្ឋដែលគាត់បានធ្វេីកន្លងមក​នោះ​ ឱ្យទៅជារូបសំណាកតាឥសីវិញ​ ដេីម្បីបញ្ជាក់អំពីសេចក្តីគោរពស្រលាញ់ដ៏ស្មោះចំពោះសម្តេចតេជោ​ ហ៊ុន​ សែន​ នាយករដ្ឋមន្ត្រី​ ដែលជាលោកឪពុកប្រកបដោយព្រហ្មវិហារធម៌​ ​និងជាអ្នកដឹកនាំដ៏ឆ្នេីមប្រកបដោយគតិបណ្ឌិត​ ធ្វេីឱ្យប្រទេសជាតិមានភាពរីកចម្រេីនលេីគ្រប់វិស័យ​ ជីវភាពប្រជាជនក៏មានភាពល្អប្រសេីរឡេីងជាលំដាប់។  ជាមួយគ្នានេះ​  សិប្បករ​ស្មូនដី​ ប៊ិន​ ឆារ៉ាន់​ ក៏បានអំពាវនាវឱ្យអ្នកលេងបណ្តាញសង្គមហ្វេសប៊ុកជួយចែករំលែកនូវសារសុំទោសរបស់លោក​ និងក្រុមគ្រួសារចំពោះសម្តេចតេជោ​ នាយករដ្ឋមន្ត្រី​ ហេីយសូមឱ្យអ្នកលេងហ្វេសប៊ុកដែលបានយករូបដែលគាត់បានបង្ហោះទាំងខុសឆ្គងកន្លងមកជួយលុបចេញវិញផង។

(សូមអានបន្ត)

លិខិតសុំទោសជាសាធារណ: ខ្ញុំបាទទាំងអស់គ្នាចំនួន០៧នាក់ មកពីអង្គភាពគេហទំព័រនិងអង្គភាពកាសែតផ្សេងគ្នា ....

លិខិតសុំទោសជាសាធារណ:
ខ្ញុំបាទទាំងអស់គ្នាចំនួន០៧នាក់ មកពីអង្គភាពគេហទំព័រនិងអង្គភាពកាសែតផ្សេងគ្នា ដែលបានចុះទៅយកព័ត៌មាន នៅចំណុចព្រំដែនព្រែកចាក ស្ថិតនៅក្នុងភូមិថ្កូវ ឃុំឬស្សីស្រុកខាងលិច ស្រុកកំពង់ត្រាច ខេត្តកំពត តាមការញុះញង់អូសទាញ របស់ក្រុមជនអគតិ និងដោយសារគ្មានវិជ្ជាជីវះអ្នកសារព័ត៌មាន បានបណ្តាលអោយប៉ះពាល់ ដល់កិត្តិយសស្ថាប័នគយ និងសេចក្តីថ្លៃថ្នូរ របស់ឯកឧត្តម គុណញឹម រដ្ឋមន្ត្រីប្រតិភូ អមនាយករដ្ឋមន្ត្រី អគ្គនាយក នៃអគ្គនាយកដ្ឋានគយនិងរដ្ឋករកម្ពុជា ពិសេសលោកយីថុល អតីតប្រធានការិយាល័យគយនិងរដ្ឋករព្រែកចាក។

ថ្ងៃនេះទី១៩ខែសីហាឆ្នាំ២០២២ ខ្ញុំបាទទាំងអស់គ្នា សូមធ្វើការសុំទោសជាសាធារណ: ចំពោះឯកឧត្តម រដ្ឋមន្ត្រីប្រតិភូ អមនាយករដ្ឋមន្ត្រី ពិសេសលោកយីថុល។សូមឯកឧត្តមប្រតិភូអមនាយករដ្ឋមន្ត្រី និងលោកយីថុល មេត្តាអធ្យាស្រ័យនិងទទួលនូវការសុំទោសជាសាធារណ: ចំពោះខ្ញុំបាទទាំងអស់គ្នា ដោយក្តីអនុគ្រោះ។

(សូមអានបន្ត)

ទីតាំងមាន់ជល់អនទ្បាញតាមទូរទស្សន៍ចំនួន២ទីតំាងតាមផ្លូវចូលខ្លោងទ្វារវត្តសិរីឧត្តម បង្គ្រាបបានមួយភ្លេីងចំបេីងពេលនេះបើកដំណើការឡេីងវិញធម្មតាហេីយ....

ពលរដ្ឋលើកឡើងថា : ទីតាំងមាន់ជល់អនទ្បាញតាមទូរទស្សន៍២ទីតំាងអមសងខាងផ្លូវចូលខ្លោងទ្វារវត្តសិរីឧត្តម

ក្រោយពេលសមត្ថកិច្ចអធិការដ្ឋាននគរបាលស្រុកស្វាយទាបខេត្តស្វាយរៀង

បង្គ្រាបបានមួយដង្ហើមចង្រិតក៏បើកដំណើការឡេីងវិញជាធម្មតា។

ប្រជាពលរដ្ឋដាក់ការសង្ស័យទៅលេីសមត្ថកិច្ចមូលដ្ឋានថាប្រហែលជាត្រូវថ្នាំរបស់ក្រុមញៀនល្បែហេីយមេីលទៅបានជាបង្ក្រាបហេីយលេងវិញៗយ៉ាងដូច្នេះ។

ប្រជាពលរដ្ឋបានថ្អូញថ្អែថាគាត់មានការភ័យខ្លាចជាខ្លាំងព្រោះក្នុងមូលដ្ឋានរបស់ពួកគាត់សំបូរទៅដោយល្បែងសុីសងបង្គ្រាបហើយឲ្យបើកវវិញៗជាច្រើនកន្លែងបែបនេះ ហើយ ល្បែងស៊ីសងគ្រប់ប្រភេទ ជាប្រភពនៃបទល្មើសចោរកម្ម លួច ឆក់ ប្លន់ និង កេីតករណីហិង្សា ក្នុងគ្រួសារ ជាដើម ។ដេីម្បីភូមិឃុមានសុវត្ថភាពសមត្ថកិច្ចត្រូវបង្រ្កាបរាល់អ្វីៗដែលជាល្បែងធ្វេីឲ្យប៉ពាល់ដល់សុខសុវត្ថភាពប្រជាពលរដ្ឋ។

(សូមអានបន្ត)

ក្រសួងព័ត៌មាន​ បេីកកិច្ចប្រជុំ ស្ដីពី ‘’ការពិគ្រោះយោបល់លើការធ្វើវិសោធនកម្មច្បាប់ស្ដីពីរបបសារព័ត៌មាន...

(ភ្នំពេញ)  នៅថ្ងៃទី២៧ ខែកក្កដា ឆ្នាំ២០២២ មានបើកកិច្ចប្រជុំបច្ចេកទេស​ រវាង​ ក្រុមការងារនីតិកម្ម នៃក្រសួងព័ត៌មាន​ ជាមួយនឹង Seopyeong Law Firm នៃសាធារណរដ្ឋកូរ៉េ ស្ដីពី ‘’ការពិគ្រោះយោបល់លើការធ្វើវិសោធនកម្មច្បាប់ស្ដីពីរបបសារព័ត៌មាន’’ ក្រោមអធិបតីភាព ឯ.ឧ សុខ ប្រសិទ្ធិ រដ្ឋលេខាធិការ ទទួលបន្ទុកគណៈកម្មាធិការនីតិកម្ម នៃក្រសួងព័ត៌មាន នៅទីស្ដីការក្រសួងព័ត៌មាន។

(សូមអានបន្ត)

លោកឧត្ដមសេនីយ៍ទោ ឈឿន សុចិត្ត អញ្ជើញចូលរួមអបអរសាទរ ពិធីប្រកាសសុពលភាពសមាជិកក្រុមប្រឹក្សាសង្កាត់ អាណត្តិទី៥ នៃរដ្ឋបាលសង្កាត់ដើមមៀន ក្រុងតាខ្មៅ....

 

កណ្តាល ៖ លោកឧត្ដមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្តាលនារសៀល ថ្ងៃអាទិត្យ ទី១០ ខែកក្កដា ឆ្នាំ២០២២ បានអញ្ជើញចូលរួមក្នុងកិច្ចប្រជុំដំបូង និងពិធីប្រកាសសុពលភាពសមាជិកក្រុមប្រឹក្សាសង្កាត់ អាណត្តិទី៥ នៃរដ្ឋបាលសង្កាត់ដើមមៀន ក្រុងតាខ្មៅ ខេត្តកណ្តាល ក្រោមអធិបតីភាពឯកឧត្តម គង់ សោភ័ណ្ឌ អភិបាលនៃគណៈអភិបាលខេត្តកណ្តាល។

នាឱកាសនោះ ឯកឧត្តម គង់ សោភ័ណ្ឌ អភិបាលខេត្តកណ្តាលបានថ្លែងថា៖ «ជាមួយគ្នានេះ ដើម្បីជាការឆ្លើយតបទៅនឹងការគាំទ្រ និងការស្រឡាញ់ពេញចិត្តពីសំណាក់ប្រជាពលរដ្ឋ តាមរយៈការបោះឆ្នោតកាលពីថ្ងៃអាទិត្យ ទី០៥ ខែមិថុនា ឆ្នាំ២០២២ កន្លងមក និងតាមប្រកាសរបស់ក្រសួងមហាផ្ទៃ ស្ដីពីការទទួលស្គាល់សមាសភាពប្រធានក្រុមប្រឹក្សាសង្កាត់ ចៅសង្កាត់ ជំទប់ទី១ ជំទប់ទី២ ។ ដូចនេះសមាជិកក្រុមប្រឹក្សា សង្កាត់ដើមមៀនទាំងអស់ ត្រូវខិតខំផ្តល់សេវាសាធារណៈនានាជូនប្រជាពលរដ្ឋក្នុងមូលដ្ឋានសង្កាត់ របស់ខ្លួនឱ្យបានល្អប្រសើរប្រកបដោយ ក្រមសីលធម៌វិជ្ជាជីវៈ និងកែលម្អឥរិយាបថក្នុងការប្រាស្រ័យទាក់ទងជាមួយប្រជាពលរដ្ឋ ដោយតម្លាភាព គណនេយ្យភាព និងយុត្តិធម៌ ដោយមិនត្រូវមានការរើសអើង ការបែងចែកបក្សពួក គ្រួសារនិយម និងនិន្នាការនយោបាយ ដើម្បីបង្កើនជំនឿទុកចិត្ត និងការគាំទ្រពីប្រជាពលរដ្ឋ ព្រមទាំង ត្រូវអនុវត្ដឱ្យស្របតាមច្បាប់ និងលិខិតបទដ្ឋានគតិយុត្តកំណត់ និងត្រូវបន្តខិតខំជំរុញការចូលរួមអនុវត្តគោលនយោបាយ “ភូមិ ឃុំ សង្កាត់ មានសុវត្ថិភាព” របស់រាជរដ្ឋាភិបាលកម្ពុជា ឱ្យមានប្រសិទ្ធភាពខ្ពស់»។

ជាមួយគ្នានោះ ឯកឧត្តមអភិបាលខេត្តបានណែនាំដល់រដ្ឋបាលឃុំ សង្កាត់ ទាំងអស់ទូទាំងខេត្តកណ្តាល ជាពិសេសសង្កាត់ដើមមៀន ត្រូវចុះសួរសុខទុក្ខប្រជាពលរដ្ឋតាមខ្នងផ្ទះនីមួយៗ ឱ្យបានជាប់ជាប្រចាំ ដើម្បីស្វែងយល់ពីតម្រូវការ និងជីវភាពរស់នៅរបស់ប្រជាពលរដ្ឋក្នុងមូលដ្ឋាន៕

(សូមអានបន្ត)

ម្តេចតេជោ ហ៊ុន សែន ប្រកាសចូលរួមកាន់ទុក្ខទូទាំងប្រទេស នៅថ្ងៃទី១០ ខែកក្កដា ឆ្នាំ២០២២ ចំពោះមរណភាពអតីតនាយករដ្ឋមន្ត្រីជប៉ុន អាបេ ស៊ីនហ្សូ (Shinzo Abe)

នៅព្រឹកថ្ងៃទី៩ ខែកក្កដា ឆ្នាំ២០២២ នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងសារពិសេស និងប្រកាសចូលរួមកាន់ទុក្ខទូទាំងប្រទេស នៅថ្ងៃទី១០ ខែកក្កដា ឆ្នាំ២០២២ ចំពោះមរណភាព ឯកឧត្តម អាបេ ស៊ីនហ្សូ អតីតនាយករដ្ឋមន្ត្រីជប៉ុន។ 

សម្តេចតេជោ ហ៊ុន សែន បានមានប្រសាសន៍ថា មរណភាពរបស់លោក អាបេ ស៊ិនហ្សូ មិនត្រឹមតែជាការបាត់ប្រកបដោយភាពសោកស្តាយ តក់ស្លុត រន្ធត់ និងអាឡោះអាល័យសម្រាប់តែប្រជាពលរដ្ឋជប៉ុនប៉ុណ្ណោះ តែសម្រាប់ប្រជាពលរដ្ឋនៅលើពិភពលោក រួមទាំងប្រជាពលរដ្ឋកម្ពុជាផងដែរ។

សម្តេចតេជោបានបញ្ជាក់ថា ក្នុងការកាន់តំណែងជានាយករដ្ឋមន្ត្រីជប៉ុនទាំងពីរលើកឯកឧត្តម អាបេ ស៊ិនហ្សូ បានប្រឹងប្រែងយ៉ាងខ្លាំងដល់ការជំរុញទំនាក់ទំនងរវាងជប៉ុន និងកម្ពុជា រហូតក្លាយទៅជាដៃគូយុទ្ធសាស្ត្រនៅឆ្នាំ២០១៣។ បន្ថែមពីលើនោះ ឯកឧត្តម អាបេ ក៏បានជំរុញនូវការផ្តល់ជំនួយគាំទ្រដល់ការអភិវឌ្ឍគ្រប់វិស័យនៅកម្ពុជា រួមទាំងហេដ្ឋារចនាសម្ព័ន្ធផងដែរ។ ឯកឧត្តមអាបេ ក៏ជានាយករដ្ឋមន្ត្រី ដែលបានជំរុញដល់ទំនាក់ទំនងរវាងអាស៊ាន និងជប៉ុន និងជំរុញដល់ទំនាក់ទំនងមេគង្គ-ជប៉ុនផងដែរ។

ដើម្បីសម្តែងនូវការដឹងគុណចំពោះមនោសញ្ចេតនាការស្រឡាញ់ដ៏ស្មោះត្រង់របស់ឯកឧត្តម អាបេ ស៊ិនហ្សូ សម្តេចតេជោ បានសម្រេចឱ្យមានការកាន់មរណទុក្ខនៅទូទាំងប្រទេសមួយថ្ងៃ គឺនៅថ្ងៃអាទិត្យ ទី១០ ខែកក្កដា ឆ្នាំ២០២២។ សម្តេចតេជោ ហ៊ុន សែន បានណែនាំដល់គណៈកម្មាធិការបុណ្យជាតិ និងអន្តរជាតិ ឱ្យយកចិត្តទុកដាក់រៀបចំការកាន់មរណទុក្ខនេះ ដោយតម្រូវឱ្យមានការបង្ហូតទង់ជាតិនៅពាក់កណ្តាលដង នៅតាមសាលារៀន និងតាមក្រសួង ស្ថាប័ននានារបស់ជាតិ៕

(សូមអានបន្ត)