នាយឧត្តមសេនីយ៍ នេត សាវឿន អគ្គស្នងការនគរបាលជាតិ ចេញសេចក្តីសម្រេចកែសម្រួល សមាសភាពក្រុមការងារប្រមូលព័ត៌មាន ស្រាវជ្រាវស៊ើបអង្កេតករណីជម្លោះដីធ្លី និងបង្ការទប់ស្កាត់-បង្ក្រាបការទន្ទ្រានកាន់កាប់ដីរបស់រដ្ឋដោយខុសច្បាប់ កាលពីថ្ងៃទី២៤ ខែសីហា ឆ្នាំ២០២១។
សូមកុំអស់សង្ឃឹម «យុត្តិធម៌ត្រូវតែមានសម្រាប់ជនស្លូតត្រង់»
ភ្នំពេញ: កាលពីថ្ងៃទី២៦ ខែសីហា ឆ្នាំ២០២១ សម្តេចតេជោ ហ៊ុន សែននាយករដ្ឋមន្ត្រីនៃ កម្ពុជា បានចេញបទបញ្ជាដាច់ណាត់ ឱ្យកែសម្រួលជាបន្ទាន់ ជុំវិញយុទ្ធនាការចាក់វ៉ាក់សាំងជូនប្រជាពលរដ្ឋ នៅកម្ពុជា។ ពោលគឺតាមសម្តេចតេជោ ហ៊ុន សែន មិនត្រូវទុកវ៉ាក់សាំង ក្នុងឃ្លាំង ខណៈដែលកម្ពុជាយើង សព្វថ្ងៃ មានវ៉ាក់សាំងគ្រប់គ្រាន់ សម្រាប់ចាក់ជូនប្រជាពលរដ្ឋតាមផែនការ ១៣លាននាក់នោះទេ។
បទបញ្ជាខាងលើនេះ ត្រូវបានធ្វើឡើង ក្រោយសម្តេចតេជោ ហ៊ុន សែន រកឃើញថា មួយរយៈពេលចុងក្រោយនេះ ដំណើរការនៃការចាក់វ៉ាក់សាំងបង្ការកូវីដ-១៩ នៅខេត្តជាច្រើន ហាក់ដូចជាយឺតយ៉ាវខ្លាំង ខណៈវ៉ាក់សាំងមាននៅក្នុងឃ្លាំងគ្រប់គ្រាន់។
ក្នុងសារសំឡេង មានរយៈពេលជាង ១៨នាទី សម្តេចតេជោ ហ៊ុន សែន បានកត់សម្គាល់ថា មកដល់ថ្ងៃនេះ មានខេត្តមួយចំនួន ចាក់វ៉ាក់សាំង បានតិច ដូចជា ខេត្តកំពង់ឆ្នាំង ត្បូងឃ្មុំ និងខេត្តពោធិ៍សាត់ ហើយខេត្តទាំងបីឡើងមកយកវ៉ាក់សាំងទាំងយប់ នៅភ្នំពេញ។ ក្នុងនោះ ខេត្តរតនៈគិរី ចាក់វ៉ាក់សាំង បានច្រើនជាងផែនការគ្រោងទុក ដែលត្រូវតែយកធ្វើជាគំរូ។
សម្តេចតេជោ បានដាក់ចេញនូវបទបញ្ជា ឱ្យអភិបាលខេត្តរាជធានីទាំងអស់ ត្រូវចាត់ទុកកិច្ចការប្រឆាំងកូវីដ១៩ ជាកិច្ចការអាទិភាពទី១ គឺត្រូវទទួលខុសត្រូវ ចំពោះមុខរាជរដ្ឋាភិបាល លើបញ្ហាការចាក់វ៉ាក់សាំង ដែលជាគោលនយោបាយអាទិភាពធំបំផុតរបស់យើង នៅពេលនេះ។
សម្តេច ហ៊ុន សែន ហាមដាច់ខាត មិនឱ្យមានវ៉ាក់សាំង ដេកនៅក្នុងឃ្លាំង ក្នុងពេលដែលប្រជាជន ខ្វះវ៉ាក់សាំងចាក់នោះទេ។ ពេលនេះ វ៉ាក់សាំង មានគ្រប់គ្រាន់ ដែលត្រូវតែជំរុញឱ្យទៅដល់គោលដៅ ហើយក្រសួងការពារជាតិ និងកងទ័ពអាកាស ត្រូវប្រើឧទ្ធម្ភាគចក្រ ដឹកវ៉ាក់សាំង ទៅខេត្តឆ្ងាយៗ។
សូមរម្លឹកថា គិតត្រឹមថ្ងៃទី២៣ ខែសីហា ឆ្នាំ២០២១ កម្ពុជាទទួលបានវ៉ាក់សាំងបង្ការជំងឺកូវីដ១៩ សរុបចំនួន ២៥ ០៩៥ ១០០ដូស ( វ៉ាក់សាំងចិន ស៊ីណូវ៉ាក់ និងស៊ីណូហ្វាម ច្រើនជាងគេ រហូតដល់ ២២ ៣០០ ០០០ដូស ) រួមមាន៖ ១-វ៉ាក់សាំងចិន Sinovac និង Sinopharm សរុប ២២ ៣០០ ០០០ដូស ( ១៨ ៥០០ ០០០ដូស ជាការបញ្ជាទិញ និង ៣ ៨០០ ០០០ដូស ជាជំនួយ ) ហើយ Sinovac ចំនួន ១៤ ៥០០ ០០០ដូស និង Sinopharm ៧ ៨០០ ០០០ដូស។ ២-AstraZeneca ជាជំនួយរបស់អង្គការសុខភាពពិភពលោក ដែលផលិតនៅឥណ្ឌា ៣២០ ០០០ដូស។ ៣-AstraZeneca ជាជំនួយរបស់ប្រទេសជប៉ុន ១ ០០០ ០០០ដូស។ ៤-AstraZeneca ជាជំនួយរបស់អង់គ្លេស ៤១៥ ០០០ដូស។ ៥-Johnson & Johnson ជាជំនួយរបស់អាមេរិក ១ ០៦០ ១០០ដូស។
គិតត្រឹមថ្ងៃទី២៥ ខែសីហា ឆ្នាំ២០២១ នៅទូទាំងប្រទេស ចាក់វ៉ាក់សាំង បានជាង ១០លាននាក់។ ក្នុងនោះ អាយុ ១៨ឆ្នាំឡើង ចាក់វ៉ាក់សាំងបានជាង ៨លាន ៨៣ម៉ឺននាក់ និងកុមារអាយុចាប់ពី ១២ឆ្នាំ ដល់ក្រោម ១៨ឆ្នាំ ចាក់វ៉ាក់សាំង បានជាង ១លាន ២៣ម៉ឺននាក់។ តាមផែនការ អ្នកអាយុចាប់ពី ១៨ឆ្នាំឡើង ត្រូវចាក់វ៉ាក់សាំង មានចំនួន ១០លាននាក់។ រីកុមារ និងយុវវ័យ អាយុចាប់ពី ១២ឆ្នាំ ដល់ក្រោម ១៨ឆ្នាំ ត្រូវចាក់វ៉ាក់សាំង នៅទូទាំងប្រទេសមានចំនួនប្រមាណជិតពីរលាននាក់។
រាជរដ្ឋាភិបាល បានលើកឡើងថា យុទ្ធនាការជាតិចាក់វ៉ាក់សាំងកូវីដ១៩ ជុំទី១ នេះ ត្រូវបានរំពឹងថា នឹងអាចបញ្ចប់ នៅចុងខែតុលា ឬដើមខែវិច្ឆិកា ឆ្នាំ២០២១ ខាងមុខ មុនផែនការ ដែលបានគ្រោងទុក។
រាជរដ្ឋាភិបាល ចាត់ទុកគោលនយោបាយចាក់វ៉ាក់សាំងកូវីដ១៩ គឺជាយុទ្ធសាស្ត្រគន្លឹះដ៏សំខាន់មួយ និងជាខ្សែក្រវាត់ការពារទី១ សំខាន់ជាងគេ ដើម្បីការពារអាយុជីវិតប្រជាជន ក៏ដូចជា ដើម្បីបង្កើតឲ្យបាននូវភាពស៊ាំក្នុងសហគមន៍ ទប់ទល់នឹងមេរោគកូវីដ១៩ សំដៅឈានឆ្ពោះទៅបើកដំណើរការប្រទេសជាតិពេញលេញឡើងវិញលើគ្រប់វិស័យ និងការរស់នៅជាមួយនឹងជំងឺនេះ តាមគន្លងប្រក្រតីភាពថ្មី។
អ្នកជំនាញ លើកឡើងថា ការចាក់វ៉ាក់សាំងកូវីដ១៩ បានឆាប់រហ័ស និងទាន់ពេល បានជួយសង្គ្រោះអាយុជីវិតប្រជាជនកម្ពុជាជាច្រើន តាមរយៈការកាត់បន្ថយករណីឆ្លង ករណីធ្លាក់ខ្លួនឈឺធ្ងន់ធ្ងរ និងករណីស្លាប់ដោយជំងឺកូវីដ១៩ និងបានបញ្ចៀសកម្ពុជាពីគ្រោះមហន្តរាយ ដែលបណ្តាលមកពីជំងឺកូវីដ១៩ ព្រមទាំងធ្វើឲ្យសភាពការណ៍បច្ចុប្បន្ននៃការឆ្លងរាលដាលនៃជំងឺកូវីដ១៩ ស្ថិតក្នុងកម្រិតមួយ ដែលអាចគ្រប់គ្រងបាន។
ប៉ុន្តែការរកឃើញជាបន្តបន្ទាប់ក្នុងសហគមន៍នៃមេរោគកូវីដ១៩ បំប្លែងខ្លួនថ្មី ប្រភេទ ដែលតា បាននាំមកនូវបញ្ហាប្រឈាមថ្មីមួយទៀត សម្រាប់កម្ពុជា ក្នុងការប្រយុទ្ធនឹងជំងឺកូវីដ១៩ ដោយសារមេរោគបំប្លែងថ្មីនេះ មានសមត្ថភាព ចម្លងបានលឿនជាងមុន និងមានកម្រិតគ្រោះថ្នាក់ធ្ងន់ធ្ងរ ព្រមទាំងអាចកាត់បន្ថយប្រសិទ្ធភាពនៃវ៉ាក់សាំងបាន។
កាលពីថ្ងៃទី២៥ ខែសីហា ឆ្នាំ២០២១ ក្រសួងសុខាភិបាល បានប្រកាសពីការរកឃើញអ្នកឆ្លងកូវីដ១៩ ប្រភេទ ដែលតា ចំនួន ១៣២៥នាក់ នៅ ២៣រាជធានីខេត្ត លើកលែងតែខេត្តកែប និងខេត្តក្រចេះ។ ក្នុងនោះ ភ្នំពេញ មានអ្នកឆ្លងច្រើនជាងគេ រហូតដល់ ៣៧៥នាក់។
យ៉ាងណាក៏ដោយ មកដល់ពេលនេះ កូវីដ ក៏នៅតែបន្តឆ្លងរាលដាលរៀងរាល់ថ្ងៃ នៅទូទាំងប្រទេស ចន្លោះពីជាង៤០០នាក់ ក្នុងមួយថ្ងៃៗ។ ក្នុងនោះ កាលពីថ្ងៃទី២៥ ខែសីហា មានអ្នកឆ្លងថ្មី ចំនួន ៤២៣នាក់ ជាសះស្បើយ ២៩១នាក់ និងស្លាប់ ៦នាក់។ គិតត្រឹមថ្ងៃទី២៦ ខែសីហា នៅទូទាំងប្រទេស មានអ្នកឆ្លងកូវីដ១៩ សរុបចំនួន ៩០៩៥៨នាក់។ ករណីជាសះស្បើយ សរុបចំនួន ៨៦៩៩៣នាក់ និងករណីស្លាប់សរុប កើនឡើងដល់ ១៨៤១នាក់។
ដូច្នេះនៅពេលនេះ នៅពេលរាជរដ្ឋាភិបាល និងអាជ្ញាធររាជធានីខេត្ត ស្វះស្វែងរកវ៉ាក់សាំង សម្រាប់ចាក់ជូនប្រជាពលរដ្ឋ ដោយឥតគិតថ្លៃហើយ គឺដល់វេនត្រូវចាក់ មិនថា ដូសទី១ ដូសទី២ ឬក៏ដូសទី៣ ជាដូសជំរុញនោះទេ គឺម្នាក់ៗ ត្រូវតែស្វះស្វែង ទៅចាក់វ៉ាក់សាំង ឲ្យបានគ្រប់ៗ គ្នា ចាប់ពីអាយុ ១២ឆ្នាំឡើងទៅ។
មកដល់ថ្ងៃទី២៥សីហា នៅសល់អ្នកចាក់វ៉ាក់សាំងតែជាង ២លាននាក់ទៀតនោះទេ នឹងសម្រេចតាមផែនការ ១៣លាននាក់ ដែលរាជរដ្ឋាភិបាលបានកំណត់ក្នុងយុទ្ធនាការចាក់វ៉ាក់សាំងបង្ការជំងឺកូវីដ១៩ នាពេលនេះ។
ទន្ទឹមនឹងចាក់វ៉ាក់សាំង ក៏តោងឲ្យម្នាក់ៗ ត្រូវតែបន្តអនុវត្តនូវវិធានការការពារកុំឲ្យឆ្លងកូវីដ ជាប់ជានិច្ច ពិសេស ៣កុំ និង ៣ការពារ។ រីឯអ្នកនៅកន្លែងពបិទខ្ទប់ ក៏ត្រូវតែអត់ធ្មត់បន្ត ហើយចូលរួមគោរព និងអនុវត្តនូវវិធានការទាំងនោះ ធ្វើយ៉ាងណា ចូលរួមទប់ស្កាត់ និងកាត់ផ្តាច់ការឆ្លងរាលដាលជំងឺកូវីដ១៩ ក្នុងសហគមន៍យើង៕
ភ្នំពេញ :ថ្ងៃទី២៦ ខែ សីហា ឆ្នាំ ២០២១ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំប្រចាំសប្តាហ៍ ដោយមានការចូលរួមដោយផ្ទាល់ និងតាមប្រព័ន្ធវីដេអូពីចម្ងាយពីថ្នាក់ដឹកនាំក្រសួង និងមន្ត្រីជំនាញក្រោមឱវាទពាក់ព័ន្ធ កាលពី ថ្ងៃ២រោច ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃពុធ ទី២៥ ខែសីហា ឆ្នាំ២០២១ នៅទីស្តីការក្រសួង ដើម្បីពិនិត្យមើលវឌ្ឍនភាពការងារ បញ្ហាប្រឈម ដំណោះស្រាយ និងសំណូមពររបស់អង្គភាពក្រោមឱវាទក្រសួង ដែលបានជួបប្រទះក្នុងការអនុវត្តការងាររបស់ខ្លួននាពេលកន្លងមក។
នៅក្នុងឱកាសនោះ ឯកឧត្តមទេសរដ្ឋមន្ត្រី បានមាន ប្រសាសន៍អំពីកិច្ចខិតខំប្រឹងប្រែងរបស់រាជរដ្ឋាភិបាល ក្នុងការស្វះស្វែងរកវ៉ាក់សាំងបង្ការជំងឺកូវីដ-១៩ ដើម្បីចាក់ជូនប្រជាពលរដ្ឋឱ្យបានទាន់ពេលវេលា ដោយគិតរហូតមកទល់ពេលនេះកម្ពុជាសម្រេចចាក់វ៉ាក់សាំងជូនប្រជាពលរដ្ឋអាយុ១៨ឆ្នាំឡើងទៅបានប្រមាណ៩៩ភាគរយ ហើយកម្ពុជាជាប្រទេសទីពីរបន្ទាប់ពីប្រទេសអ៊ីស្រាអែល ដែលបានចាក់ វ៉ាក់សាំងដូសជំរុញជូនប្រជាពល រដ្ឋ ។
ឯកឧត្តមបាន កោតសរសើរចំពោះថ្នាក់ដឹកនាំ និងមន្ត្រីពាក់ព័ន្ធទាំងអស់របស់វិទ្យាស្ថានតេជោ សែន សាធារណការ និងដឹកជញ្ជូន ជាពិសេសថ្នាក់ដឹកនាំក្រសួងពាក់ព័ន្ធ ដែលបានខិតខំប្រឹងប្រែងយកអស់កម្លាំងកាយចិត្ត ដើម្បីធ្វើឱ្យវិទ្យាស្ថានអាចដំណើរការបានក្នុងរយៈពេលខ្លី និងសម្រេចបានសមិទ្ធផលមួយចំនួនគួរឱ្យកត់សម្គាល់ ។
ជាមួយគ្នានេះដែរ ឯកឧត្តម ទេសរដ្ឋមន្ត្រី បានសម្ដែងការគាំទ្រឱ្យវិទ្យាស្ថានចុះអនុស្សរណៈយោគយល់ជាមួយក្រុមហ៊ុន RMA Group សាលាភូមិន្ទរដ្ឋបាល និងសាកលវិទ្យាល័យ Chang’ An ដែលជាសាលាមួយល្បីនៅប្រទេសចិន និងជំរុញឱ្យវិទ្យាស្ថានបន្តពង្រីកទំនាក់ទំនង និងកិច្ចសហប្រតិបត្តិការជាមួយសាកលវិទ្យាល័យ មហាវិទ្យាល័យធំៗ ក្នុងពិភពលោក និងដៃគូអភិវឌ្ឍន៍នានាផងដែរ។
ទន្ទឹមនឹងនេះ ឯកឧត្តមទេសរដ្ឋមន្ត្រីបានវាយតម្លៃខ្ពស់អំពីប្រសិទ្ធភាពនៃកម្មវិធីដកពិន្ទុ និងបំពេញពិន្ទុឡើងវិញសម្រាប់ប័ណ្ណបើកបរ និងការផាកពិន័យបទល្មើសចរាចរណ៍ផ្លូវគោក ដើម្បីពង្រឹងការអនុវត្តច្បាប់ចរាចរណ៍ផ្លូវគោក ដែលកម្មវិធីនេះមានលក្ខណៈពិសេស ស្គាល់ទម្រង់ប័ណ្ណនានា រួមមាន៖ ប័ណ្ណបើកបរ លិខិតឆ្លងដែន អត្តសញ្ញាណប័ណ្ណ និងប័ណ្ណសម្គាល់យានយន្ត និងអាចដឹងថាប័ណ្ណបើកបរត្រឹមត្រូវ ឬក្លែងក្លាយ ដឹងពីប្រតិបត្តិការនៃការកាត់ពិន្ទុ និងពិន័យលឿនរហ័ស ដឹងទីតាំងភូមិសាស្ត្រ និងប្រវត្តិនៃការដកពិន្ទុ និងពិន័យ និងអាចកត់ត្រារាល់ទិន្នន័យដែលអាចប្រើប្រាស់ជាយុទ្ធសាស្រ្តសម្រាប់កាត់បន្ថយគ្រោះថ្នាក់ចរាចរណ៍។
ទាក់ទងនឹងការត្រៀមរៀបចំកម្មវិធី MPWT LIVE SHOW ឯកឧត្តមទេសរដ្ឋមន្ត្រី បានគូសបញ្ជាក់ថា កម្មវិធីនេះគឺជាការចែករំលែកព័ត៌មានទៅក្នុងសង្គម ជាកម្មវិធីដែលអនុញ្ញាតឱ្យបងប្អូនប្រជាពលរដ្ឋ និងអ្នកពាក់ព័ន្ធសួរសំណួរនៅតាមបណ្ដាញសង្គមហ្វេសប៊ុក ក៏ដូចជាផ្តល់ឱកាសឱ្យពួកគាត់បានចូលរួមជាមតិយោបល់ ជាមួយថ្នាក់ដឹកនាំជំនាញពាក់ព័ន្ធរបស់ក្រសួង ក្នុងពេលវេលាជាក់ស្ដែង នៅក្នុងបរិបទនៃការប្រឈមនឹងវិបត្តិជំងឺកូវីដ-១៩។ យោងតាមតារាងកាលវិភាគសម្រាប់ប្រចាំឆ្នាំ២០២១នេះ ក្រសួងគ្រោងរៀបចំកម្មវិធី MPWT LIVE SHOW ចំនួនប្រាំលើប្រធានបទដូចជា៖ ទី១. សមិទ្ធផលហេដ្ឋារចនាសម្ព័ ន្ធផ្លូវថ្នល់ ចាប់ពីចុងឆ្នាំ២០១៨ ដល់ពេលបច្ចុប្បន្ន និងផែនការកំពុងបន្តរហូតដល់ឆ្នាំ២០២៣។ ទី២. ការងារលេខពិសេសផ្ទាល់ខ្លួន។ទី៣. ការងារសុវត្ថិភាពចរាចរណ៍ផ្លូវគោក។ ទី៤. ការងារបច្ចេកទេសផ្លូវថ្នល់ និងទី៥. ការងារវិស័យដឹកជញ្ជូនផ្លូវគោក។
លើសពីនេះទៀត ឯកឧត្តមទេសរដ្ឋមន្ត្រីបានមានប្រសាសន៍ថា កម្ពុជានឹងធ្វើជាម្ចាស់ផ្ទះរៀបចំកិច្ចប្រជុំរដ្ឋមន្ត្រីដឹកជញ្ជូនអាស៊ាន រដ្ឋមន្ត្រីដឹកជញ្ជូនអាស៊ាន-ចិន រដ្ឋមន្ត្រីដឹកជញ្ជូនអាស៊ាន-កូរ៉េ រដ្ឋមន្ត្រីដឹកជញ្ជូនអាស៊ាន-ជប៉ុន និងកិច្ចប្រជុំពាក់ព័ន្ធផ្សេងទៀត នៅថ្ងៃទី១១-១២ ខែវិច្ឆិកា ឆ្នាំ២០២១ តាមប្រព័ន្ធវីដេអូពីចម្ងាយ តាមគោលការណ៍ឯកភាពពីសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕
(ប្រភព៖ ក្រសួង សាធារណការ និង ដឹកជញ្ជូន)
រូបថត៖ AKP-សៀមរាប
(ភ្នំពេញ)៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៅព្រឹក ថ្ងៃទី២៣ ខែសីហា ឆ្នាំ ២០២១នេះ បានដឹកនាំគណៈប្រតិភូជាន់ខ្ពស់សភាកម្ពុជា ចូលរួមមហាសន្និបាតប្រចាំឆ្នាំលើកទី៤២ អន្តរសភាអាស៊ាន ដែលហៅកាត់ថា (AIPA) ដែលធ្វេីឡេីងតាមប្រព័ន្ធវីដេអូ ដែលមានសភាប្រទេសព្រុយណេដារូស្សាឡាមធ្វើជាម្ចាស់ផ្ទះ។
មហាសន្និបាតអន្តរសភាអាស៊ានឆ្នាំនេះ ប្រារព្ធធ្វើឡើងក្រោមមូលបទ «ជំរុញកិច្ចសហប្រតិបត្តិការ សភាលើបរិយាប័ន្នឌីជីថល ឆ្ពោះទៅសហគមន៍អាស៊ានឆ្នាំ២០២៥» ។
ពិធីបើកមហាសន្និបាត ប្រារព្ធធ្វើឡើងក្រោមអធិបតីភាពថ្នាក់ដឹកនាំស្ថាប័ននីតិប្បញ្ញត្តិ នីតិប្រតិបត្តិប្រទេសព្រុយណេដារូស្សាឡាម និងបានភ្ជាប់ទៅបណ្តាសភាសមាជិកអាយប៉ាយទំាង១០ គណៈប្រតិភូប្រទេសដែលជាដៃគូសន្ទនា និងគណៈប្រតិភូប្រទេសសង្កេតការណ៍មួយចំនួនទៀត បានចូលរួមផងដែរ ។
ដោយសារការរាតត្បាតជំងឺកូវីដ១៩ ជាសកលពីរឆ្នាំហើយ ដែលស្ថាប័នសភាអាស៊ាននេះ បានរៀបចំមហាសន្និបាតរបស់ខ្លួនតាមប្រព័ន្ធវីដេអូ។ អន្តរសភាអាស៊ានជាអង្គការអន្តរសភា តំណាងស្ថាប័ននីតិប្បញ្ញត្តិ នៃបណ្តាប្រទេសជាសមាជិក សមាគមប្រជាជាតិអាស៊ីអាគ្នេយ៍ (ASEAN) ដែលមាន ប្រទេសព្រុយណេដារូស្សាឡាម កម្ពុជា ឥណ្ឌូណេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សឹង្ហបុរី ថៃ និងវៀតណាម ជាសមាជិក។ អង្គការសភាមួយនេះ ជាការប្រមូលផ្ដុំសំឡេងប្រជាពលរដ្ឋក្នុងសហគមន៍អាស៊ាន ជាដៃគូរបស់អាស៊ាន ក្នុងការជំរុញឱ្យសម្រេចបាននូវគោលដៅសហគមន៍អាស៊ានតែមួយ។
មហាសន្និបាតអន្តរសភាអាស៊ានលើកទី៤២ ដែលប្រទេសព្រុយណេដារូស្សាឡាម ធ្វើជាម្ចាស់ផ្ទះពេលនេះ ប្រារព្ធធ្វើចាប់ពីថ្ងៃទី២៣ ដល់ថ្ងៃទី២៥ ខែសីហា ឆ្នាំ២០២១។
មហាសន្និបាតអន្តរសភាអាស៊ាន បានប្រារព្ធ ធ្វើជារៀងរាល់ឆ្នាំ ដោយប្រទេសជាសមាជិកតាមវេននៃលំដាប់អក្ខរក្រម នៃឈ្មោះប្រទេសតាមអក្សរឡាតំាង។ សភានៃព្រះរាជាណាចក្រកម្ពុជា នឹងក្លាយជាប្រធានអាយប៉ាលើកទី៤៣ នៅឆ្នាំ២០២២ ខាងមុខនេះ។
បន្ទាប់ពីអញ្ជើញចូលរួមពិធីបើកមហាសន្និបាតជាផ្លូវការ សម្តេចអគ្គមហាពញាចក្រី ហេង សំរិន ក៏នឹងអញ្ជើញចូលរួមកិច្ចប្រជុំគណៈកម្មាធិការប្រតិបត្តិអាយប៉ា ដើម្បីអនុម័តកម្មវិធី របៀបវារៈមហាសន្និបាត និងការងារផ្ទៃក្នុងអាយប៉ាផ្សេងៗទៀត ផងដែរ និងក្រោយមកទៀត សម្តេចប្រធានរដ្ឋសភា នឹងអញ្ជើញថ្លែងសុន្ទរកថាទៅកាន់មហាសន្និបាត ជាមួយប្រធានគណៈប្រតិភូសមាជិកអាយប៉ាទំាង១០ផងដែរ៕
សៀមរាប៖ ក្រោមការដឹកនាំរបស់ឯកឧត្តម ទៀ សីហា អភិបាលខេត្តសៀមរាប និងជាប្រធានគណ:កម្មាធិការសាខាកាកបាទក្រហមកម្ពុជាខេត្តសៀមរាប បានធ្វើសកម្មភាព រយ:ពេល ៧ខែដើម ឆ្នាំ២០២១នេះ សាខាកាកបាទក្រហមកម្ពុជាខេត្តម សម្រេចបានផ្ដល់អំណោយមនុស្សធម៌ ដល់គ្រួសាររងគ្រោះ និងងាយរងគ្រោះ ជាជម្រក ស្បៀងអាហារ និងសម្ភារ:ផ្សេងៗ សរុបចំនួន១,៧៨៤គ្រួសារ ក្នុងនោះសម្រាប់គ្រួសារងាយរងគ្រោះចំនួន ១,៣៨៥គ្រួសារ រួមមាន ៖ គ្រួសារក្រីក្រចំនួន ៥១៦គ្រួសារ, ស្រ្តីមេម៉ាយ ចំនួន ១គ្រួសារ, ជនចាស់ជរាចំនួន ២៩នាក់, អ្នកជម្ងឺរ៉ាំរ៉ៃចំនួន ៨នាក់, ជនពិការចំនួន ៨នាក់, ម្ដាយទើបសម្រាលកូនចំនួន ១១១នាក់, សង់ផ្ទះមនុស្សធម៌ចំនួន ៣ខ្នង, ឧបត្ថម្ភដល់វត្តអារាមបានចំនួន ៤វត្ត, ប្រជាពលរដ្ឋក្នុងមណ្ឌលចត្តាឡីស័កចំនួន ២១៧នាក់, ក្មេងកំព្រា និងកុមារគ-ថ្លង់បានចំនួន ៤៨៨នាក់ ព្រមទាំងបានផ្ដល់ថវិកាជូនមន្ទីរពេទ្យកុមារអង្គរខេត្តសៀមរាប ជូនមាតាទើបសម្រាលកូនតាមមណ្ឌលសុខភាពចំនួន២ និងនៅពន្ធនាគារចំនួន១ សរុបចំនួន ១១០នាក់ ។
ជាមួយគ្នានេះដែរ សាខាកាកបាទក្រហមកម្ពុជាខេត្ត ក៏បានជួយដល់គ្រួសាររងគ្រោះដោយគ្រោះមហន្ដរាយ ដូចជា ៖ខ្យល់កន្ត្រាក់ អគ្គីភ័យ និងឧបទ្ទវហេតុផ្សេងៗ បានចំនួន ៣៩៩គ្រួសារ ក្នុងនោះមាន ៖ រងគ្រោះដោយរលំផ្ទះចំនួន ៧៣ខ្នងផ្ទះ, របើកដំបូលចំនួន ២៤៣ខ្នង របួស ២នាក់, ជនរងគ្រោះដោយរន្ទះបាញ់ស្លាប់ចំនួន ៦នាក់ និង រងរបួសចំនួន ៨នាក់, គ្រោះអគ្គីភ័យចំនួន ២៣ខ្នងផ្ទះ, គ្រោះថ្នាក់ចរាចរណ៍របួសចំនួន ៤នាក់, លង់ទឹកស្លាប់ចំនួន ២៣នាក់, ឆក់ខ្សែភ្លើង ៤នាក់, ចូលរួមសពចំនួន ៥នាក់ និងឧបទ្ទវហេតុផ្សេងៗចំនួន ៨នាក់។ ក្រៅពីនោះ សាខាកាកបាទក្រហមកម្ពុជាខេត្តសៀមរាប បានសហការជាមួយមន្ទីរសាធារណការ និងដឹកជញ្ជូនខេត្តខេត្ត និងអង្គភាពនគរបាលខេត្ត លើការងារសុវត្ថិភាពចរាចរណ៍ ដោយបានដឹកនាំមន្រ្តីប្រតិបត្តិសាខា យុវជន និងអ្នកស្ម័គ្រចិត្តកាកបាទក្រហមកម្ពុជា ចុះអប់រំផ្សព្វផ្សាយពីសុវត្ថិភាពចរាចរណ៍ជូនប្រជាពលរដ្ឋក្នុងសហគមន៍ សិស្សានុសិស្សក្នុងសាលារៀន និងនៅតាមទីសាធារណ:បានចំនួន ២០លើក, បើកយុទ្ធនាការសុវត្ថិភាពចរាចរណ៍ថ្នាក់ខេត្ត ១លើក ដែលរៀបចំដោយក្រសួងសាធារណការនិង ដឹកជញ្ជូន, ចូលរួមវគ្គបណ្ដុះបណ្ដាលពីចម្ងាយ ស្ដីពីសុវត្ថិភាពចរាចរណ៍ និងពិការភាពបាន ២វគ្គ និងបានសង់ជម្រាលគាំទ្រជនពិការចំនួន ១កន្លែង ក្នុងសាលារៀនផងដែរ៕ ដោយ៖ មន្ទីរព័ត៌មានខេត្តសៀមរាប សម្រួលផ្សាយដោយ៖ ធូ កុសល
.j.jpg)
រូបថត៖ AKP-កំពង់ធំ
ឆ្លៀតក្នុងឱកាសនោះ ឯកឧត្តម សុខ លូ អភិបាលខេត្តកំពង់ធំ មានប្រសាសន៍លើកឡើងថា ការផ្លាស់ប្ដូរមុខតំណែងតួនាទីនេះគឺជារឿងធម្មតារបស់មន្ត្រីរាជការ ព្រោះមុខតំណែងនេះមិនមែនជាកម្មសិទ្ធិរបស់បុគ្គលណាម្នាក់នោះទេ ។
ជាមួយគ្នានោះឯកឧត្តម សុខ លូ បានក្រើនរំលឹកលោកអភិបាលស្រុកដែលទើបនឹងទទួលមុខតំណែងថ្មីនេះ សូមគោរពនូវតួនាទី និងភារកិច្ចរបស់ខ្លួនឲ្យបានខ្ជាប់ខ្ជួន ត្រូវបង្កើនសាមគ្គីភាព ឯកភាពផ្ទៃក្នុង បង្កើនការទំនាក់ទំនង និងកិច្ចសហការល្អ ជាមួយគណៈអភិបាលស្រុក ក៏ដូចជាក្រុមប្រឹក្សាស្រុក មន្ត្រីរាជការក្រោមឱវាទ និងមន្ទីរអង្គភាពជុំវិញស្រុក ដើម្បីបន្តដឹកនាំការងារនិរន្តរភាពរដ្ឋបាលស្រុកបន្តទៀត ជាពិសេសត្រូវចុះពិនិត្យមើលការងារមូលដ្ឋាន តាមបណ្ដាឃុំសង្កាត់ទាំងអស់នៅក្នុងដែនសមត្ថកិច្ចរបស់ខ្លួនឲ្យបានញឹកញាប់ និងពិនិត្យមើលការបម្រើសេវាសាធារណៈនៅអង្គភាពច្រកចេញចូលតែមួយ ធ្វើយ៉ាងណាឲ្យការបំរើសេវាសាធារណៈជូនប្រជាពលរដ្ឋនេះ ប្រព្រឹត្តទៅបានរលូន ឆាប់រហ័ស ទាន់ពេលវេលា មានតម្លាភាព និងប្រកបដោយប្រសិទ្ធភាព។
លើសពីនេះទៀតឯកឧត្តមបន្ថែមទៀតថា លោកអភិបាលស្រុកក្នុងនាមគណៈបញ្ជាការឯកភាពរដ្ឋបាលស្រុក ត្រូវតែពិនិត្យកងកំលាំងទាំងបី ធ្វើយ៉ាងណា ត្រូវរក្សាសណ្ដាប់ធ្នាប់សាធារណៈ និងសុខសុវត្ថិភាពជូនប្រជាពលរដ្ឋឲ្យបានល្អប្រសើរ ជាពិសេស ត្រូវបំរើបងប្អូនប្រជាពលរដ្ឋ ដោយការពារប្រយោជន៍ស្របច្បាប់របស់ប្រជាពលរដ្ឋ មិនមែនការពារប្រយោជន៍មិនស្របច្បាប់របស់ជនខិលខូចមួយចំនួននោះទេ ហើយយើងរួមគ្នាការពារ និងអភិរក្សធនធានធម្មជាតិ តំបន់សត្វខ្សិប តំបន់ព្រៃលិចទឹក និងចូលរួមទប់ស្កាត់បង្ក្រាបនូវបទល្មើសនានាដែលតែងតែកើតមានឡើងនៅក្នុងដែនសមត្ថកិច្ចរបស់ខ្លួន។ ហើយក្រៅពីការងារស្នូលសូមថ្នាក់ដឹកនាំទាំងអស់ត្រូវបន្តចុះទៅតាមមូលដ្ឋាន ដើម្បីជួបប្រជាពលរដ្ឋក្នុងការដោះស្រាយនូវបញ្ហានិងសំណូមពរជូនពួកគាត់ឲ្យបានទាន់ពេលវេលា។
ជាមួយគ្នានោះដែរ ឯកឧត្តម សុខ លូ អភិបាលខេត្តកំពង់ធំ បានអំពាវនាវដល់មន្ត្រីរាជការ និងកងកម្លាំងប្រដាប់អាវុធសូមអញ្ជើញទៅចូលរួមចាក់វ៉ាក់សាំង ដូសទី៣(ដូសជំរុញ)នេះ ទៅតាមការជូនដំណឹងរបស់រដ្ឋបាលខេត្ត ក្នុងនោះឯកឧត្តមបានបញ្ជាក់ថា ការចាក់វ៉ាក់សាំង ដូសទី៣(ដូសជំរុញ)នេះ គឺសម្រាប់តែ មន្ត្រីសុខាភិបាល កងកម្លាំងប្រដាប់អាវុធ មន្ត្រីរាជការស៊ីវិល មន្ត្រីជាប់កិច្ចសន្យា និងអាជ្ញាធរគ្រប់លំដាប់ថ្នាក់ តែប៉ុណ្ណោះ ដោយឡែកការចាក់វ៉ាក់សាំងសម្រាប់ប្រជាពលរដ្ឋទូទៅ នឹងត្រូវធ្វើឡើងនៅពេលក្រោយ ព្រមទាំងអំពាវនាវបន្ថែមទៀតដល់មាតាបិតា និងអាណាព្យាបាលនៅតាមបណ្តាក្រុង ស្រុកទាំងអស់នៃខេត្តកំពង់ធំ នាំកូនចៅដែលមានអាយុចាប់ពី១២ ទៅ១៧ឆ្នាំ ទៅចាក់វ៉ាក់សាំងការពារជំងឺកូវីដ.១៩ អោយបានគ្រប់ៗគ្នាតាមទីកន្លែង និងពេលវេលាដែលបានកំណត់។
ទន្ទឹមនឹងនោះដែរឯកឧត្តម សុខ លូ អភិបាលខេត្តកំពង់ធំក៏ដូចជាប្រជាពលរដ្ឋនៅក្នុងខេត្តកំពង់ធំទាំងមូល សូមគោរពថ្លែងអំណរគុណដល់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានផ្តល់ឱកាសដល់ប្រជាពលរដ្ឋទូទាំងប្រទេស ក៏ដូចជាប្រជាពលរដ្ឋនៅក្នុងខេត្តកំពង់ធំ ព្រមទាំងកុមារ និងយុវវ័យដែលមាន អាយុចាប់ពី១២ឆ្នាំ ដល់១៧ឆ្នាំ ទទួលបានការចាក់វ៉ាក់សាំងការពារជំងឺកូវីដ.១៩នេះ គ្រប់ៗគ្នា។
ឆ្លៀតក្នុងឱកាសនោះដែរលោក អ៊ុត វណ្ណរ៉ា និងលោក ឡង គីសឹង ដែលទើបនឹងទទួលបានការប្រកាសតែងតាំងជាអភិបាលស្រុកថ្មី ឡើងធ្វើការប្តេជ្ញាចិត្តដូចខាងក្រោម: ១. ខិតខំបម្រើសេវាសាធារណៈជូនប្រជាពលរដ្ឋឲ្យបានល្អប្រសើរ និងឆ្លើយតបឲ្យបានទាន់ពេល, ២. ខិតខំដោះស្រាយរាល់បញ្ហាសំណូមពរ និងបញ្ហាប្រឈមនានា របស់ប្រជាពលរដ្ឋដែលកើតមានឡើងក្នុងមូលដ្ឋាន , ៣. ខិតខំបង្កើនសាមគ្គីភាព ឯកភាពផ្ទៃក្នុងឲ្យបានល្អប្រសើរ, ៤. ប្តេជ្ញាអនុវត្តអភិក្រមទាំង៥ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង៥. ប្តេជ្ញាអនុវត្តតាមគោលការណ៍ណែនាំអនុសាសន៍ដ៏ខ្ពង់ខ្ពស់របស់ថ្នាក់ដឹកនាំគ្រប់លំដាប់ថ្នាក់ ឲ្យបានល្អ ដោយការទទួលខុសត្រូវខ្ពស់៕
.j.jpg)
.j.jpg)
.j.jpg)
.j.jpg)
ដោយ៖ មន្ទីរព័ត៌មានខេត្តកំពង់ធំ
បន្ទាយមានជ័យ: ថ្ងៃទី១៨ ខែសីហា ឆ្នាំ២០២១អភិបាលខេត្តបន្ទាយមានជ័យ ឯកឧត្តម អ៊ុំ រាត្រី បានថ្លែងក្រើនរម្លឹកមន្ត្រីរាជការ ត្រូវតែប្រឹងប្រែងធ្វើការបម្រើការពារនិងថែរក្សាអ្វីដែល ប្រជាពលរដ្ឋចង់បាន ត្រូវការចាំបាច់ ឱ្យស័ក្តិសម នូវអ្វីដែលពួកគាត់បានផ្តល់ឱ្យយើង និងគាំ ទ្រធ្វើជាតំណាងរបស់ពួកគាត់នៅគ្រប់កាលៈទេសៈនោះ។
ឯកឧត្តម អ៊ុំ រាត្រី បានថ្លែងបែបនេះក្នុងឱកាសអញ្ជើញ ប្រកាស លោក ជូ បុត្រ ជាអភិ បាល ស្រុកភ្នំស្រុក ជំនួសលោក យឹម សំណាង ផ្លាស់ទៅជាអភិបាលស្រុកអូរជ្រៅ និងលោក សារាយ ពេត ជាអភិបាល រងស្រុក ភ្នំស្រុក កាលពីរសៀលថ្ងៃ៩កើត ខែស្រាពណ៍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃអង្គារ ទី១៧ ខែសីហា ឆ្នាំ ២០២១។
ក្នុងឱកាសនោះ ឯកឧត្តម អភិបាលខេត្តបន្ទាយមានជ័យ បានថ្លែង កោតសរសើរ និង វាយតម្លៃខ្ពស់ជុំវិញការខិតខំប្រឹងប្រែង របស់មន្ត្រីគ្រប់ជាន់ថ្នាក់ ដែលបានលះបង់អស់កម្លាំង កាយចិត្ត ក្នុងការចូលរួមជាមួយថ្នាក់ដឹកនាំ ដើម្បីបម្រើជាតិ និងប្រជាជន ពិសេសក្នុងយុទ្ធនា ការរួមគ្នាប្រយុទ្ធប្រឆាំងជំងឺកូវីដ-១៩។ ឯកឧត្តមបានបន្ថែមថា តួនាទីដែលផ្ដល់ជូននាពេល នេះ គឺជាការទទួលខុសត្រូវ ដូច្នេះហើយត្រូវអនុវត្តន៍តួនាទីនេះ ដើម្បីជាប្រយោជន៍ និងផ្តល់ ភាពកក់ក្តៅជូនប្រជាពលរដ្ឋ និងត្រូវខិតខំប្រឹងប្រែងបម្រើប្រជាពលរដ្ឋ និងអនុវត្តន៍ច្បាប់ ដោយផ្សាភ្ជាប់សុខទុក្ខដល់ខ្នងផ្ទះប្រជាពលរដ្ឋ។
ជាងនេះទៅទៀត ត្រូវបន្តខិតខំធ្វើការងារ ដោយបង្កើនចំណងសាមគ្គីភាព ឯកភាពផ្ទៃ ក្នុង និងត្រូវគោរពវិន័យការងារ តួនាទី ភារកិច្ច លក្ខខណ្ឌការងារដែលបានបែងចែក ប្រកប ដោយការទទួលខុសត្រូវខ្ពស់ និងត្រូវបន្តពង្រឹងការអភិវឌ្ឍសមត្ថភាពរបស់ខ្លួន ឱ្យ សមជាអ្នក បន្តវេនដ៏ល្អ និងឱ្យសមស្របទៅនឹងសម្ភារ បច្ចេកទេស ដែលមានការអភិវឌ្ឍរីក ចម្រើនក្នុង យុគសម័យបច្ចុប្បន្ន។ ត្រូវបន្តការយកចិត្តទុកដាក់ លើកកម្ពស់គុណភាពប្រសិទ្ធភាពការផ្តល់ សេវាសាធារណៈ និងការអភិវឌ្ឍមូលដ្ឋាន ទប់ស្កាត់រាល់បទល្មើសនានា ដោះស្រាយ បញ្ហា ប្រឈមនានារបស់ប្រជាពលរដ្ឋ តាមមូលដ្ឋាននីមួយៗ ស្របតាមគោលនយោបាយរាជ រដ្ឋាភិ បាល ក្នុងការកាត់បន្ថយភាពក្រីក្ររបស់ប្រជាពលរដ្ឋ ជាពិសេសនៅតាមតំបន់ជនបទ។
ឯកឧត្តម អភិបាលខេត្ត ក៏បានណែនាំដល់មន្ត្រីរាជការរដ្ឋបាលស្រុក និងអ្នកពាក់ព័ន្ធ ទាំងអស់ ត្រូវបន្តអនុវត្តន៍ផែនការ ដែលថ្នាក់ដឹកនាំបានដាក់ចុះ និងធ្វើការផ្សព្វផ្សាយឱ្យបាន កាន់តែទូលំទូលាយដល់ប្រជាពលរដ្ឋពីវិធានការ«៣កុំ៣ការពារ»និងវិធានការនានារបស់ក្រ សួងសុខាភិបាល ដើម្បីទប់ស្កាត់ការឆ្លងរីករាលដាលជំងឺកូវីដ- ១៩ ពិសេសមេរោគបំប្លែងថ្មី៕
